Rais Kikwete Aongoza Mamia ya Watu katika Mazishi ya SAJUKI

Rais Jakaya Mrisho Kikwete akiteta jambo na Baba Mzazi wa SAJUKI wakati wa maziko ya Marehemu SAJUKI yaliyofanyika katika makaburi ya Kisutu Jijini Dar es Salaam.

Rais Jakaya Mrisho Kikwete akiweka udongo katika kaburi ambamo mwili wa SAJUKI umehifadhiwa.

Rais Jakaya Mrisho Kikwete amewaongoza mamia ya waombolezaji katika mazishi ya msanii wa filamu Sadick Juma Kilowoko maarufu kwa jina la kisanii laSAJUKI yaliyofanyika katika makaburi ya Kisutu. Pamoja na rais Kikwete,viongozi wengine wa kisiasa  akiwemo mbunge wa Jimbo la Kigoma Kaskazini Zitto Kabwe pia wamehudhuria mazishi hayo

Kabla ya mazishi hayo,mwili wa marehemu ulipelekwa kwenye msikiti wa sheikh Adhir, Kariakoo ili kuswaliwa kabla ya kupelekwa makaburini hapo kwa ajili ya maziko.

Marehemu Sadick Juma Kilowoko aliyefariki dunia usiku wa kuamkia Jumatano katika hospitali ya taifa ya Muhimbili alikokuwa amelazwa, ameacha mjane na mtoto mmoja. TOA MAONI YAKO HAPA CHINI