TCRA HAWAKUJIPANGA DIJITALI,WAAMBIWA ANALOJIA NI BORA MARA 100

Mkurugenzi wa kituo cha taarifa kwa wananchi  TCIB, Deus Kibamba

 Wanaharakati wametoa wito kwa watu wa Wizara ya mawasiliano Tanzania kusitisha suala la kuzima mitambo ya analogia  nchi nzima hadi hapo dosari mbalimbali za mfumo wa dijitali zitakaporekebishwa.

Mkurugenzi wa kituo cha taarifa kwa wananchi  TCIB Deus Kibamba amesema kuwa wizara ya mawasiliano na taasisi zilizo chini yake hazikujipanga ndiyo chanzo cha matangazo kurushwa katika viwango duni na kukatika  mara kwa mara.

Bwana Kibamba amesema kutokana na  usumbufu uliojitokeza kiuchumi na kijamii serikali na mamlaka ya mawasiliano Tanzania inatakiwa kugharamia  hasara kwa wamiliki luninga  na wananchi.

Kituo cha TCIB kimegundua kupungua kwa watazamaji kwa wananchi wengi wanashindwa kumudu gharama za kulipia ving’amuzi na vifurushi vya chaneli mbalimbali.

Utafiti unaonesha kuwa tangu kuzimwa kwa mitambo ya analojia jijini Dar es Salaam hapo Desemba 31 upatikanaji wa taarifa umezorota kwa asilimia 70 na hiyo ni pamoja na mikoa mingine inayotegemea mkoa huo kama chanzo kikuu cha taarifa.

Utafiti huo unaonesha kuwa kuna hatari ya baadhi ya vituo kufa kabisa na hivyo kurejesha ukiritimba na umangimeza kwa vituo vikubwa kutawala Nyanja ya habari  mawasiliano.

TOA MAONI YAKO HAPA CHINI