Mvua Yasababisha Vifo vya Watu Wanne Singida

 Watu wanne wa familia moja wakazi wa kijiji cha Kilunda tarafa ya Nduguti wilaya ya Mkalama mkoani Singida wamefariki dunia  baada ya kuangukiwa na nyumba yao ya tembe.

Kamanda wa polisi mkoani Singida Linus Sinzumwa amethibitisha kutokea kwa vifo hivyo ambavyo amesema vimesababishwa na mvua  zinazoendelea kunyesha mkoani humo. Amesema mvua hiyo ilisababisha  paa la nyumba hiyo ya tembe iliyokuwa imeezekwa kwa miti na udongo kuporomoka na kuwafunika wanafamilia hao.
 
Kamanda Sinzumwa amewataja wanafamilia hao kuwa ni Enock Edson mwenye mwenye umri wa miaka 22, Kefasi Edson mwenye umri wa miaka 14, Kulwa Edson mwenye umri wa miaka 12 ambaye ni  mwanafunzi wa darasa la sita shule ya msingi Nduguti na Elisha Edson  mwenye umri wa miaka 9 ambaye ni mwanafunzi wa darasa la tatu   shuleni hapo TOA MAONI YAKO HAPA CHINI