KIJANA ACHOMWA MOTO BAADA YA KUKUTWA NA SILAHA AKIJARIBU KUKODI BODABODA

Kijana mmoja anayesadikiwa kuwa ni mwizi ambaye jina lake halikuweza kufahamika mara moja amefariki dunia baada kushambuliwa kwa silaha mbalimbali na kisha mwili wake kuchomwa moto na Wananchi wanaodaiwa kuwa na hasira, katika kijiji cha Kagongwa Wilayani Kahama Mkoani Shinyanga.

Kwa mujibu wa mashuhuda, tukio hilo liLItokea jana majira ya saa mbili usiku kufuatia marehemu kujaribu kukodisha Usafiri wa pikipiki maarufu kama bodaboda kwa lengo la kwenda Kijiji jirani cha Mwankumba. 

Imeelezwa kuwa madereva hao wa bodaboda walishtuka kuoNa mtu huyo akiwa amevaa koti kubwa, ndipo walipomuliza ili kujua vitu alivyobeba, na ndipo alipojaribu kukimbia kabla ya kukamatwa na wananchi waliokuwepo katika eneo hilo.

Kijana huyo baada ya kukamatwa alikutwa akiwa na Mapanga mawili aliyoyaficha ndani ya koti, jambo lililopelekea wananchi hao kuchukua jukumu la kumchoma moto wakimuhisi kujihusisha na matukio ya wizi.

Baada ya tukio hilo Jeshi la Wilayani Kahama limefika eneo hilo na kuchukua mwili wa marehemu ambao kwa sasa umehifadhiwa katika hospitali ya wilaya ya Kahama, huku uchunguzi zaidi wa tukio hilo ukiendelea.

Chanzo: eddy blog

TOA MAONI YAKO HAPA CHINI