Rais Kikwete Atuma Salaam za Pongezi Kwa Papa Francis I

Rais Jakaya Mrisho Kikwete leo Ijumaa 15 Machi, 2013 mchana amemtumia salamu za Pongezi Papa Mtakatifu Francis I kwa kuchaguliwa kwake kuwa Papa wa kanisa Katoliki Duniani na Vatican.

Dakta Kikwete amesema kuchaguliwa kwa Papa Francis ni  ushuhuda tosha wa imani na heshima kubwa ambayo kanisa Katoliki linayo kwa upande wake
.
 Katika Barua hiyo ya pongezi imeeleza kwamba ni wazi kuwa  historia na upendo wa Papa Francis wa kujali na kuwapenda wanyonge, unyenyekevu ni sababu tosha ya kuwapa wakatoliki, wasio wakatoliki na wasio wakristo pia kusherehekea uteuzi wake.
 

Vatican na Tanzania imekua na uhusiano wa muda mrefu na hivyo Rais Kikwete amemhakikishia Papa Francis kuwa uhusiano huo utadumu na anatarajia utaimarika zaidi chini ya uongozi mpya wa Papa Francis I.

TOA MAONI YAKO HAPA CHINI