WANASIASA WAZINGATIE MASLAHI YA TAIFA

Deus Kibamba

 Vyama vya siasa vimeshauriwa kuwa na umoja na ushirikiano ili kurahisisha utendaji wa majukumu mbalimbali ya uongozi katika jamii.

Hayo yamesemwa na mkurugenzi mtendaji wa kituo cha taifa kwa wananchi TCIB Deus Kibamba alipokuwa akifafanua kuhusu chaguzi za madiwani katika kata 29 Tanzania bara zilizofanyika Oktoba 28 mwaka huu.

Mkurugenzi huyo amesema amesema vyama vimekuwa vikiangalia masuala ya kitaifa kwa kuelemea itikadi za vyama badala ya kuzingatia maslahi ya taifa hivyo kudhoofisha maendeleo.

Bwana Kibamba amesema kuwa kuna upungufu mkubwa katika kuhakikisha demokrasia inastawi hapa nchini kutokana na ushiriki duni wa wananchi katika chaguzi ambao umetajwa kuhatarisha maendeleo ya demokrasia.

Katika hatua nyingine viongozi wa umoja huo wameoneshwa kushangazwa kwa baadhi ya madiwani kuombeana mabaya kiasi cha kufikia hatua kushikana uchawi,huku wengine wakishindwa kufanya kazi kwa kuugua tangu kuchaguliwa kwao.

TOA MAONI YAKO HAPA CHINI