TUME MAALUM KUCHUNGUZA MAUAJI KAGERA

IGP Said Mwema

Kufuatia tukio la mauaji ya askari wawili  lililotokea Mkoani Kagera Mkuu wa Jeshi la Polisi IGP Saidi Mwema amepeleka Mkoani Kagera timu maalum ya uchunguzi kutoka Makao Makuu ya Polisi kufanya uchunguzi wa tukio hilo.

Tukio hilo lilitokea  Desemba 15 katika kijiji cha Mgoma Tarafa ya Kanazi, Wilaya ya Ngara  na kusababisha vifo vya askari wawili na timu hiyo inayohusisha Idara ya Upelelezi  na Kamisheni ya Oparesheni ili kufanya uchunguzi wa tukio hilo.

 Timu hiyo itaungana na timu ya upelelezi ya Mkoa kuchunguza zaidi tukio hilo na kuwabaini wote waliohusika katika kusababisha vifo kwa askari na raia pamoja na madhara mengine dhidi ya mali.

Wakati uchunguzi huo ukiendelea, Jeshi la Polisi linawaomba wananchi kuwa watulivu, hususani wananchi wa Mkoa wa Kagera na waendelee kutoa ushirikiano wa dhati kwa Jeshi la Polisi ili wahalifu hao wachache wanaotumia kisingizio cha hasira kali waweze kukamatwa na sheria kuchukua mkondo wake.
TOA MAONI YAKO HAPA CHINI