HATIMAYE WANAJESHI WA IRAQ WAUKOMBOA MJI WA TIKRIT

Wanajeshi wa Iraq wakielekea mjini Tiqrit

Serikali ya Iraq inasema kuwa vikosi vyake vimeuteka mji wa kaskazini wa Tikrit kutoka kwa wapiganaji wa ki-sunni ambao walikuwa wameteka  wiki mbili zilizopita.

Vyombo vya habari vya kitaifa vimesema kuwa wanajeshi wakisaidiwa na mizinga pamoja na ndege za kijeshi waliwafurusha wanamgambo wa kundi la ISIS na kuwaua zaidi ya sitini.

Waasi hao wamesema kuwa kulikuwa na mapigano makali katika mji huo na kwamba mashambulizi hayo hayakufua dafu.

Iwapo itathibitishwa ,utekaji wa mji wa Tikrit utakuwa hatua kubwa ya jeshi la Iraq tangu ISIS kuyateka maeneo mengi ya Iraq kaskazini mapema mwezi huu.

Serikali sasa inasema kuwa inajiandaa kuelekea mjini Mosul ambao ni mji wa pili kwa ukubwa nchini humo.

Ndege za kivita

Wakati huohuo Iraq inasema kuwa imepokea kundi la kwanza la ndege za kijeshi ilizoagiza kutoka Urusi ili kuisadia kukabiliana na wapiganaji wa dhehenu la kisunni ISIS ambao wameyateka maeneo mengi ya taifa hilo.

Wizara ya Ulinzi inasema kuwa ndege hizo 5 zenye uwezo wa kushambulia maeneo ya ardhini zitaaanza kuhudumu katika kipindi cha siku chache zijazo,huku nyingine zikitarajiwa kuwasili.

BBC

TOA MAONI YAKO HAPA CHINI