JESHI LA IRAQ LAUKARIBIA MJI WA TIKRIT

 

Jeshi la Iraq linasema kuwa linafanya opersheni kubwa ya kuukomboa mji wa kaskazini wa Tikrit kutoka kwa wapiganaji wa Kisunni.

Taarifa zinaeleza kuwa maelfu ya wanajeshi wanakaribia mji wa Tikrit, ambao ulitekwa na wapiganaji wa ISIS zaidi ya wiki mbili zilizopita pamoja na eneo kubwa la kaskazini mwa Iraq.

Wapiganaji wa Kisunni wanasema raia wameuwawa na kujeruhiwa katika mapigano.

Katika siku mbili zilizopita eneo la chuo kikuu cha mji wa Tikrit limeshambuliwa na wanajeshi wa serikali waliopelekwa huko kwa helikopta.

Na Askofu wa Ibril, kaskazini mwa Iraq katika eneo la kabila la Kurd, anasema maelfu ya Wakristo wamekimbia vijiji karibu na Mosul katika siku za karibuni.

Askofu aliiambia BBC kwamba wapiganaji wa ISIS wameshambulia maeneo mawili ya wakaazi wengi Wakristo, na eneo mojawapo linalindwa na wapiganaji wa Kikurd.

Wakimbizi hao wamepata hifadhi katika jimbo la Wakurd la Iraq.

BBC

TOA MAONI YAKO HAPA CHINI