WATAALAM WA TIBA ASILIA WAASWA KUFUATA SHERIA

 

Wataalam wa tiba ya asili  wametakiwa kufuata  sheria, kanuni na taratibu ili kulinda heshima ya taaluma hiyo katika jamii .

Hayo yamesemwa na mwenyekiti wa chama cha tiba asili Tanzania  Simba Abdulrahmani Simba  na wakati akizungumzia maandalizi ya kuelekea maadhimisho siku ya tiba asili barani Afrika ambayo yatafanyika kitaifa Agosti 31 mwaka huu katika viwanja vya Mnazi Mmoja jijini Dar es Salaam.

 Amesema kuwa moja katika vigezo vya msingi kwa mtaalam wa tiba asili ni kujisajili kwa mujibu wa sheria na kuwa na vyeti vinavyowatambulisha katika kazi hiyo.

Amekanusha madai ya baadhi ya watu kuhusisha uganga wa tiba asili na imani za ushirikina kwamba daktari wa kweli anatakiwa kuitumikia jamii na si vinginevyo.

Licha ya chama cha waganga wa tiba asili Tanzania kufanya kazi kwa kushirikiana na serikali na taasisi nyingine kimekuwa na changamoto ya kupambana na waganga wanaokiuka sheria na taratibu za tiba hiyo.

TOA MAONI YAKO HAPA CHINI