Uhuru wa Vyombo vya Habari Huchochea Ustawi wa Demokrasia

Balozi wa Ujerumani Nchini Tanzania,Klaus Peter Brandes

Suala la Uhuru wa vyombo habari limetajwa kuwa mhimili mkubwa wa maendeleo na ukuaji wa  demokrasia katika nchi yoyote ile ulimwenguni kwa  ustawi wa watu wake.

Akizungumzia juu ya maadhimisho ya miaka 50 ya Idhaa ya Kiswahili ya Redio Deutch Welle, Balozi wa Ujerumani hapa nchini Klaus Peter Brandes amesema uhuru wa vyombo vya habari unahitajika ili kuonesha ustawi na utashi wa ukuaji wa demokrasia ulimwenguni kote.

Hata hivyo balozi huyo amesema  si lengo la Ujerumani kuingilia mambo ya ndani ya nchi zingine wala vyombo vya habari vya ujerumani kama ilivyo kwa radio Deutch Welle ambayo amedai ina uhuru wa kufanya kazi kwa mujibu wa sera zake yenyewe.

Nao Mohamed Khelef na Mohamed Abdulrahman ambao ni watangazaji wa Idhaa hiyo wamesema si kweli kwamba idhaa yao inatangaza mambo mabaya kuhusu Afrika bali kuna vipindi vizuri kusaidia maendeleo ya Afrika.

Naye mratibu wa Maandalizi ya Maadhimisho ya Idhaa hiyo ANDREA SCHMIDT amesema wachagua Tanzania kuwa mwenyeji wa sherehe za mwaka huu kutokana na uwingi wa wasikilizaji wa redio hiyo na kuamini kuwa Ijumaa wiki hii itawakutanisha wadau mbalimbali za ukanda wa Afrika Mashariki na kati.

TOA MAONI YAKO HAPA CHINI