TFF YAZIPONGEZA KILI STARS ZANZIBAR HEROES

Shirikisho la mpira wa mguu Tanzania (TFF) limetoa pongezi kwa timu za Tanzania baada ya kutinga hatua ya nusu fainali ya michuano ya chalenji inayoshirikisha nchi za ukanda wa Afrika Mashariki na kati .

Rais  wa shirikisho hilo  leodgar Tenga.ametoa pongezi kwa Kilimanjaro stars na Zanzibar Heroes  kwa hatua waliofikia nakusema kuwa nia yao ni kufanya vizuri zaidi.

Rais huyo amesema kuwa mchezo walioonesha wawakilishi wa Tanzania umetoa faraja kwa medani ya soka hapa nchini ikiashiria mwanzo wa kufanya vizuri katika michuano mingine ya kimataifa.

Timu za Kilimanjaro Stars na Zanzibar Heroes zimetinga hatua hiyo kwa kuziondosha timu za Rwanda na Burundi katika mechi za Robo fainali katika michuano hiyo itakayofikia kilele chake hapo Desemba 8 mwaka huu.

Katika hatua nyingine Rais Tenga amewapongeza  vijana chini ya miaka 17 na pia kuwashauri wadau kuwalea vizuri kuwalea vijana hao kwani wanaweza kuwa hazina ya taifa katika siku za usoni.

Licha ya timu hiyo kutolewa katika michuano ya kuwania fainali za Afrika na Congo Brazzavile kwa jumla ya magoli 2 – 1 Rais amesema timu hiyo inahitaji kuendelezwa na ametoa wito kwa wadau kuzisaidia timu za vijana na wanawake kwani timu hizo hazina wadhamini.

Timu za vijana wanawake zimekuwa zikicheza katika mazingira magumu hivyo kuhitajika msukumo wa kutosha ili ziweze kupiga hatua endelevu.

TOA MAONI YAKO HAPA CHINI