SIMBA YALEWA TUSKER,YAPIGWA 3 – 0

Kikosi cha Simba

Wawakilishi wa Tanzania katika michuano ya ligi ya mabingwa barani Afrika, Simba leo wamevutwa sharubu baada ya  kuchapwa magoli 3 – 0 dhidi ya Tusker ya Kenya katika mchezo wa kimataifa wa Kirafiki.

Mechi hiyo imepigwa katika dimba la Taifa Dar es Salaam wageni waligeuka kuwa wenyeji katika dimba hilo baada ya kutandaza kandanda safi na kuwanyuka wekundu  hao wa Msimbazi ,mpaka mapumziko Tusker walikuwa mbele kwa magoli 2 – 0 magoli yaliyofungwa na Jesse Were.

Kipindi cha pili timu zote zilifanya mabadiliko ya wachezaji lakini waswahili wasemavyo siku ya kufa nyani miti yote huteleza basi WANA LUNYASI walijikuta wakipigwa mweleka kwa kupachikwa goli la 3  likifungwa na Fredrick Onyango.

Kipigo hicho kimewasononesha sana mashabiki wa Simba huku wenzao wa Yanga wakiwakejeli karibu muda wote wa mchezo hasa baada ya wao pia kuzomewa siku Yanga ilipochapwa kwa goli 1 – 0  dhidi ya Tusker katika mechi ya kirafiki.

TOA MAONI YAKO HAPA CHINI