MAN UNITED, MAN CITY ZAUA ENGLAND

Mchezaji wa Man United Robin Van Persie Akishangilia goli alilofunga

 Wachezaji wa Man City Wakishangilia Ushindi

Miamba ya soka nchini England Manchester United imeendeleza wimbi la ushindi katika ligi kuu nchini England kwa kuichapa West Bromwich Albion kwa magoli 2 – 0 mechi ikichezwa katika dimba la Old Trafford.

Man United ambao walikuwa wenyeji wamepata magoli yao kupitia kwa mcAuley ambaye alijifunga mapema katika dakika ya tisa ya mchezo goli lililodumu hadi mapumziko.

Wakati West Brom wakijitahidi kutaka goli la kusawazisha walijikuta wakipachikwa goli la jioni dakika za majeruhi goli likifungwa na mshambuliaji tegemeo wa United kwa sasa Robin van Persie baada ya piga nikupige ndipo ukamrudia mfungaji nje ya 18 ambaye kwa guu la kushoto akajivuta na kuufunga kwa ustadi mkubwa.

Kwa matokeo hayo Man United imefikisha pointi 49 na kuendelea kukalia usukani wa ligi huku mahasimu wao wa jiji Manchester City wakiendelea kushikilia nafasi ya pili kwa pointi 42  baada ya leo kuibuka na ushindi wa magoli 4 – 3 dhidi ya Norwich.

Licha ya  Man City kucheza  10 dimbani baada ya Samir Nasri kuonesha kadi nyekundu ilipigana kiume na kupata ushindi huku magoli yake yakifungwa na  Edin Dzeko katika dakika tano za awali huku mchezaji Anthony Pillington akiifungia Norwich katika dakika ya 14 na kuzifanya timu hizo kwenda mapumziko huku Man City ikiongoza kwa magoli 2 – 1 .

Kipindi cha pili Muargentina Sergio Kun Aguero akaifungia Man City dakika ya 50 lakini Russel Martin akaifungia Norwich katika dakika ya 63 huku bahati mbaya ikienda kwa beki Mark Bunn wa Norwich akitupia nyavuni kwake goli katika dakika ya 67 wakati wa kuokoa na kuizawadia City goli la ushindi.Norwich walifanikiwa kupigana na kupata goli la tatu kupita kwa Russel Martin kwa mara nyingine na kufanya matokeo kuwa Man City 4  - 3 Norwich .

Tottenham imesogea hadi nafasi ya tatu kwa kufikisha pointi 36 na kuwatoa relini vijana wa darajani,Chelsea wenye pointi 35 ambao wameshuka mpaka nafasi ya NNE lakini kama watashida dhidi ya Everton au Everton ikashinda kwa magoli lukuki yaweza kuziengua Chelsea na Tottenham.

MATOKEO MENGINE  LIGI KUU ENGLAND

Sunderland

1-2

Tottenham

Aston Villa

0-3

Wigan

Fulham

1-2

Swansea

Reading

1-0

West Ham

Manchester United

2-0

West Bromwich Albion

Stoke

3-3

Southampton

Norwich

3-4

Manchester City

Arsenal

7-3

Newcastle

TOA MAONI YAKO HAPA CHINI