MAKUMBUSHO YA TAIFA SIYO KWA AJILI YA WAGENI

Gari alilotumia Baba wa Taifa Mwalimu Julius Kambarage Nyerere wakati wa harakati za ukombozi wa taifa la Tanganyika.Inaaminika kuwa gari hilo lilitengenezwa mwaka 1940 huko Uingereza na kutumiwa na Mwalimu Nyerere kati ya miaka 1955 - 1960

Sehemu ya Makumbusho ya Taifa

 Wito umetolewa kwa Watanzania kujenga utamaduni wa kutembelea makumbusho yanayohifadhi historia na utamaduni wetu na  kuachana na dhana potofu ya kudhani maeneo hayo ni kwa ajili ya vitu vilivyoharibika.

Afisa Elimu wa Makumbusho ya Taifa Mawazo Ramadhani amesema licha ya hamasa kuongezeka siku za karibuni lakini  watanzania wengi wamekuwa hawaoni umuhimu wa kutembelea maeneo Makumbusho na kujua historia na vitu mbalimbali.

Afisa Elimu huyo amesema kwa sasa utalii wa kiutamaduni  ni muhimu kwa ajili ya kuendeleza mila na desturi ya jamii ya Watanzania na kurithisha kizazi kimoja hadi kingine.

Bwana Ramadhani amesema mfumo wa Elimu unatakiwa kulenga kwa kiasi kikubwa katika kuendeleza Utalii wa ndani kwa watoto na vijana ambao wataweza kujua umuhimu wa sekta hiyo katika jamii.

Imeelezwa taasisi za elimu kama shule na vyuo ndiyo huongoza kutembelea katika makumbusho ya Taifa,wakati siku za Wikiendi na sikukuu ndiyo hupokea watalii wengi wa ndani ya nchi.

TOA MAONI YAKO HAPA CHINI