WAHAMIAJI HARAMU WAENDELEA KUREJEA MAKWAO

 

Baadhi ya wahamiaji haramu wameendelea kurejea makwao kufuatia agizo lililotolewa na rais Jakaya Kikwete mwishoni mwa mwezi julai mwaka huu ambapo alisema baada ya hapo oparesheni maalumu ingeendeshwa katika kuwaondoa.

Akizungumza na waandishi wa habari msemaji wa idara ya uhamiaji bwana Abasi Mussa Irovya amesema hatua kali za kisheria zitachukulia kwa mwananchi yeyote ambaye atahusika kuwahifadhi wahamiaji hao.

Bwana Irovya ameongeza kuwa kwa sasa idara ya uhamiaji ipo macho katika kuhakikisha hakuna muhamiaji anayetoka sehemu moja kwenda nyingine kwa lengo lakuukimbia mkono wa sheria.

Aidha msemaji huyo amewataka wahamiaji haramu kuhakikisha wanaitumia fursa iliyotolewa na serikali ya kuondoka haraka nchini kabla hawajakutana na operesheni hiyo yenye lengo la kuwarudisha wahamiaji haramu katika nchi zao.

TOA MAONI YAKO HAPA CHINI