POLISI WAONYA BODABODA KUTUMIKA KUBEBA MAITI

 

JESHI la Polisi mkoani Ruvuma kupitia kikosi cha usalama barabarani limewaonya waendesha pikipiki maarufu kwa jina la yeboyebo kuacha mara moja tabia ya kubeba mizigo isiyosatahili kwenye pikipiki wanazoziendesha baada ya kubaini kuwa baadhi yao wamekuwa wakibeba maiti kwenye pikipiki hizo.

 

Akizungumza kwa niaba ya kamanda wa polisi Mkoa wa Ruvuma mkuu wa kikosi cha usalama barabarani mkoani humo Severin Mtaki alisema kuwa hivi karibuni kumeibuka tabia mbaya ya baadhi ya waendesha pikipiki ambao wamekuwa wakibeba mizigo mizito isiyostahili ikiwa ni pamoja na kubeba maiti kwani kuna matukio kadhaa ambayo yametokea katika Wilaya za Tunduru na Nyasa.

 

Alisema kuwa matukio hayo ya kusafirisha maiti kwa kutumia pikipiki yamekithiri sana kwenye Wilaya hizo ambapo waendesha pikipiki baadhi  yao tayari wamekamatwa wakiwa wanasafirisha maiti kwa kutumia pikipiki jambo ambalo jeshi hilo limelazimika kutoa onyo kali kwa waendesha pikipiki kuacha mara moja tabia hiyo mbaya.

 

Mtaki alisema kuwa kuanzia sasa askari wa usalama barabarani wameagizwa kuwakamata waendesha pikipiki watakao kiuka agizo hilo na kuchukuliwa hatua kali za kisheria dhidi yao na si vinginevyo.

 

Alieleza kuwa pikipiki za abiria zimekuwa ni usafiri uliojipatia umaarufu mkubwa mkoani Ruvuma na ndani ya huduma hiyo abiria wamekuwa wakifurahia huduma hiyo lakini baadhi ya waendesha pikipiki wamekuwa wakifanya bihashara haramu ya kusafirisha maiti kwa kuikarisha katikati mfano wa mshikaki yaani mbele anakaa mwendsha pikipiki katika maiti na nyuma nakaa mtu mwingine ambaye anaikumbatia maiti jambo ambalo alidai kuwa ni la atari kwa sheria za usalama barabarani.

 

Aidha mkuu wa kikosi cha usalama barabarani mkoani Ruvuma Mtaki alidhibitisha kuwa kunatukio moja alilokutana nalo la pikipiki iliyokuwa imebeba pikipiki nyingine na juu yake kubeba abiria ambapo aliongeza kuwa pia ubebaji wa maiti kwa kutumia pikipiki ndio umekithiri sana ambapo hajajua tatizo hasa ni nini la kusmaiti kwa kutumia pikipiki jambo ambalo limeifanya jeshi kufanya uchunguzi wa kina ili kubaini sababu.

Via Songeayetu

TOA MAONI YAKO HAPA CHINI