KILIO SIMANZI MADUKA ZAIDI YA 16 YAUNGUA MOTO DAR

HALI ILIVYOKUWA BAADA YA MOTO

Zaidi ya maduka 16 yameungua moto eneo la kituo cha mabasi cha Mwenge jijini Dar es Salaam kwa kile kinachodaiwa hitilafu ya umeme  kusababisha moto mkubwa na kuunguza mali zilizokuwemo na miundo mbinu ya majengo hayo kuharibiwa vibaya.

Kamanda wa polisi wa kikosi cha Zimamoto kanda maalum Dar es Salaam BAKARI MRISHO amesema hakuna  mtu aliyekufa wala kujeruhiwa kutokana ajali ya Moto uliozuka ghafla majira ya saa nne asubuhi. 

Kwa mujibu wa kamanda wa kikosi cha zimamoto kanda maalum Dar es Salaam,amesema  chanzo cha moto huo kilitokana na shoti wakati fundi mmoja alipokuwa akichomelea duka la jirani na eneo hilo.

Kamanda Mrisho amesema kikosi cha zimamoto kilifika mapema na kuzima moto huo kwa wakati na kufanikiwa kuuzima  na kuongeza kuwa kuna umuhimu  kwa wananchi kupewa elimu ya kuepuka ajali ya namna hiyo.

Mashuhuda wa tukio hilo wamesema ulizuka ghafla na  kuwaka kwa kuruka kuanzia duka moja baada ya jingine na kuteketeza mali zilizokuwemo ambazo ni pamoja na vipodozi, mapambo,viatu na mali nyinginezo.

Hata hivyo baadhi ya mashuhuda na wamiliki wamesema licha ya mali kuokolewa mapema baadhi zimeathiriwa na kuharibiwa na maji yaliyotumika kuzimia moto husika hivyo kujikuta wanaingia hasara maradufu.

Hakuna tathmini kamili ya hasara iliyotolewa kutokana na uharibifu huo uliotokana na ajali ya moto. Hakuna kifo chochote kilichoripotiwa kusababishwa na moto huo.

PICH

TOA MAONI YAKO HAPA CHINI