SERIKALI YA ZANZIBAR KUSAIDIA SEKTA YA HABARI NA MAWASILIANO

Rais wa Zanzibar na Mwenyekiti wa Braza la Mapinduzi, Mh. Dk. Ali Mohamed Shein

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein  ameeleza serikali yake itaendelea kusaidia sekta ya habari na mawasiliano visiwani humo ili kuchangia kikamilifu katika maendeleo

 

Akizungumza huko Rahaleo, Mjini Unguja, mara baada ya kufungua  mitambo ya Dijitali na jengo la studio ya kurekodia muziki Dk. Shein amesema  juhudi za makusudi zitaendelea kuchukuliwa na Serikali katika kuhakikisha sekta hiyo inaimarika na kurejea katika uwasilia wake.

 

Amesema kuwa Zanzibar ina historia kubwa katika sekta hizo na kuutaka uongozi na wafanyakazi wa Shirika la Utangazaji la Zanzibar kubadilika na kutofanya kazi kwa mazoea

  Amesema  kuwa juhudi kubwa zinachukuliwa na serikali ikiwa ni pamoja na kutenga  fedha nyingi katika ujenzi wa miundombinu hiyo ya digitali

Dk. Shein amesisitiza kuwa wananchi wengi wa Zanzibar bado hawajaridhika na wamekuwa wakinung'unika juu ya ufanyaji kazi wa televisheni na redio ndani ya Shirika la Utangazaji ka Zanzibar (ZBC).

 

Awali  Katibu Mkuu wa Wizara hiyo Ali Mwinyikai, amewataka wananchi visiwani humo  kuwa na subira kwani jambo kubwa lililochelewesha Zanzibar kuingia kwenye Digitali ni kutaka kuingia katika mfumo huo kwa uhakika zaidi ikiwa ni pamoja na kuwa na vingamuzi vilivyobora baada ya kufanya utafiti

Ujenzi wa miundombinu ya Dijitali visiwani Zanzibar unaosimamiwa na kampuni ya Agape umegharimu zaidi ya shilingi Bilioni 8

TOA MAONI YAKO HAPA CHINI