MADAKTARI TOKA INDIA KUTOA HUDUMA ZANZIBAR

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein ameeleza haja kwa Serikali ya India kurejesha utamaduni uliokuwa ukifanya miaka ya nyuma wa kuwaleta madaktari bingwa kwa zamu hapa Zanzibar hatua ambayo ilisadia sana kuimarisha sekta ya afya

 

Dk. Shein aliyasema hayo  wakati alipokuwa na mazungumzo na Balozi mdogo wa India  Pawan Kumar ambaye alifika Ikulu mjini Zanzibar kwa ajili ya kujitambulisha.

 

Dk. Shein amesema kuwa mnamo miaka ya 1970 hadi mwanzoni mwa miaka ya 1980, India ilikuwa na utaratibu huo wa kutela madaktari bingwa visiwani Zanzibar ambao waliweza kufanya kazi na kutoa huduma za afya kwa wananchi hatua ambayo ni busara kuanzishwa tena ili kuendeleza kuimarisha sekta ya afya hapa Zanzibar.

 

Katika maelezo yake Dk. Shein amesema kuwa kuwepo kwa madaktari bigwa hapa nchini kutoka India kutasaida zaidi kuimarisha huduma katika hospitali za Zanzibar hasa hospitali za Wete na Chake kisiwani Pemba ambazo kwa hivi sasa zina upungufu wa madaktari bigwa.

 

Mbali na hatua hiyo, Dk. Shein amesisitiza umuhimu wa kubadilishana uzoefu na utaalamu kwa madatari wa India na Zanzibar kwa awamu, juhudi ambazo zitasaidia kuipinguzia gharama Serikali ya kupelekea wagonjwa katika hospitali zilizopo nchini humo.

 

Dk. Shein ameeleza kuwa India ni miongoni  mwa nchi zilizopiga hatua katika kufanya utafiti wa kilimo hivyo alieleza haja ya kuimarisha ushirikiano katika sekta hiyo hasa kwa kushirikiana na wataalamu wa Kitengo cha Utafiti wa Kilimo kiliopo Kizimbani.

 

Naye Balozi huyo mdogo wa India amemueleza Dk. Shein kuwa nchi yake itaendeleza uhusiano na ushirikiano uliopo ambao ni wa muda mrefu na umekuwa na historia kubwa.

TOA MAONI YAKO HAPA CHINI