AJALI KITONGA YAKWAMISHA ABIRIA KWA SAA 3

Lori lililopata ajali likiwa likivutwa.

Magari mawili yamepata ajali jana katikati ya mlima Kitonga. Chanzo cha ajali hiyo ni lori lenye namba T 722 ACJ lililobeba vifaa vya ujenzi lilishindwa kuupanda mlima huo na kuanza kurudi nyuma. Wakati linarudi nyuma kulikuwa na gari aina ya Toyota Corolla yenye namba T 138 ART ikitokea Kilombero kwenda Iringa iliyobeba watu wanne ikiendeshwa na dereva aliyejitambulisha kwa jina moja la Omary. Ikiwa kwenye mwendo kasi ilimbidi dereva wa gari hilo (Toyota) kutumbukiza gari lake kwenye bonde kubwa la mlima huo umbali wa kama mita 45 kutoka juu ya barabara ili kuepuka kuumana uso kwa uso na lori. Hata hivyo, hakuna aliyepoteza maisha katika ajali hiyo.Shuhudia picha za matukio katika ajali hiyo.

Mtu pekee aliyejeruhiwa katika ajali hiyo, alikuwa kwenye TOYOTA

Huko bondeni ndiko lilikotumbukia gari dogo (TOYOTA)

Kijana wa kimasai akiwa amebeba spika ya gari lililopata ajali

Gari lililopata ajali likiwa bondeni

Gari lililopata ajali likiwa limenasa kwenye miti

Baadhi ya abiria wakiwa wamepumzika wakisubiri uokoaji ukamilike ili waendelee na safari.

Lori lililopata ajali na kusababisha ajali ya gari jingine likiwa katikati ya barabara.

Dereva wa gari lililosaidia kuvuta lori lililopata ajali alidai alipwe pesa ndipo atoe msaada huo, hapo akikabidhi pesa zilizochagwa na baadhi ya abiria ndipo aanze kazi ya uokoaji.