MAOMBI YA SUDANI-KUSINI NA SOMALIA KUJADILIWA BAADAYE

Wakuu  wa nchi wanachama wa Jumuiya ya Afrika Mashariki wameahirisha kufanya maamuzi juu ya maombi ya nchi za Sudani Kusini na Somalia kujiunga na jumuiya hiyo ya kiuchumi yenye wanachama watano.

Taarifa ya pamoja iliyotolewa mwishoni mwa mkutano huo, imeuelekeza Mkutano wa Baraza la Mawaziri wa jumuiya hiyo  ambao ni chombo cha kufanya maamuzi cha kufanya majadiliano zaidi na nchi hiyo mpya kabisa duniani na kuzingatia pia ripoti ya kamati ya tathmini juu ya suala hilo.Maamuzi hayo yalifikiwa baada ya viongozi hao wa nchi wanachama kupokea taarifa ya maendelea ya maombi ya Sudani Kusini, kujiunga na EAC.

Sababu za kuahirishwa kukubaliwa kwa maombi ya nchi hizo mbili hazijafahamika.

Sudani Kusini iliomba kujiunga na EAC miezi michache tu baada ya kupata uhuru wake mwaka jana wakati Somalia iliwasilisha maombi yake Februari, 2012. Aprili, mwaka huu, viogozi wa kanda hiyo walipokutana mjini Bujumbura, Burundi, waliahirisha kufanyia maamuzi maombi ya Sudani Kusini, hadi Novemba.

Kuhusu ombi la Somalia, mkutano wa wakuu hao  pia umeuelekeza Mkutano wa Baraza la Mawaziri wa  kuanza mchakato wa uhakiki wa maombi hayo na kuwasilisha taarifa katika mkutano wa 15 wa wakuu hao.

TOA MAONI YAKO HAPA CHINI