FAILI LA MGOGORO ARDHI LAPOTEA,HOFU YATANDA

Wananchi  wa kijiji cha  Zinga wilayani Bagamoyo mkoani Pwani wameunda  kamati ya ufuatiliaji wa suala la mgogoro wa ardhi uliodumu kwa zaidi ya miaka 10 ili kufika kwa mkuu wa mkoa Pwani  ili kupata ufumbuzi wa suala hilo.

Wananchi hao wamefikia hatua hiyo kufuatia taarifa ya kupotea kwa faili la mgogoro huo wa ardhi  yenye zaidi ya ekari 800 na kuzusha hali ya wasiwasi miongoni mwa wananchi hao.

Hivi karibuni  wananchi wa Zinga waliwapa Viongozi wa kijiji hicho  siku saba kwa ajili ya kuhakikisha wanatoa mrejesho wa mgogoro huo ambapo walipoketi  idara ya ardhi wilayani iliketi na kamati ya ufuatiliaji na kugundua dosari hiyo.

Hata hivyo Mkurugenzi  wa Bagamoyo bwana  Samweli Sarianga amekiri kuwepo mgogoro lakini amekanusha taarifa za  kupotea kwa vielelezo vya ardhi katika eneo la Zinga-Matunda Farm na kuongeza kuwa halmashauri imeunda kamati juu ya sula hilo .

Migogoro ya ardhi imekuwa ikiongezeka siku hadi katika maeneo mbalimbali hapa nchini hivyo serikali  na wadau  wa maendeleo hawana budi kutoa elimu juu ya masuala ya sheria ya ardhi ili kupunguza migogoro hiyo.

TOA MAONI YAKO HAPA CHINI