BODI YA MIKOPO CHANZO CHA MIGOGORO VYUONI

Waziri wa Elimu na mfunzo ya Ufundi Dk. Shukuru Kawambwa

Mfumo hafifu wa mawasiliano  baina ya bodi ya mikopo ya elimu juu na wanafunzi wa vyuo vikuu umetajwa kuwa chanzo cha migomo na migogoro isiyokwisha katika taasisi za elimu hapa nchini.

Mtafiti kutoka chuo Kikuu cha Dar es Salaam Kileo amesema kuwa bodi ya mikopo imekuwa ikitoa taarifa ambazo hazitoshelezi hivyo  waombaji wa mikopo kutopata taarifa za kina kupitia njia mbalimbali za chuo.

Bwana Kileo amesema kuwa matokeo ya utafiti yanaonesha kwamba teknolojia ya habari na mawasiliano bado haijawanufaisha wanafunzi kwa kiasi kikubwa na kuwalazimisha kuwasiliana na bodi ana kwa ana badala ya kutumia mtandao.

Mtafiti huyo ameishauri bodi ya mikopo kuhakikisha inapunguza urasimu katika kushughulikia masuala ya mikopo kwa wanafunzi  pia taarifa zote muhimu ziwekwe kwenye mtandao kuepusha usumbufu usio wa lazima.

Katika miaka ya hivi karibuni migomo ya wanafunzi imekuwa ikitokea mara kwa mara kutokana na sababu mbalimbali ikiwemo malalamiko ya kutopatiwa mikopo kwa wakati na mchakato wa upangaji madaraja ya mikopo.

TOA MAONI YAKO HAPA CHINI