TAARIFA YA JESHI LA POLISI MKOA WA MBEYA KWA VYOMBO VYA HABARI

 

MTU MMOJA AMBAYE HAKUWEZA KUTAMBULIKA JINA WALA MAKAZI YAKE AMEKUTWA AMEUAWA NA MTU/WATU WASIOFAHAMIKA KWA KUKATWA NA KITU CHENYE NCHA KALI SEHEMU ZA KICHWANI NA USONI.

TUKIO HILO LIMETOKEA MNAMO TAREHE 11.09.2014 MAJIRA YA SAA 07:30 ASUBUHI HUKO KATIKA KIJIJI CHA ILOLO, KATA NA TARAFA YA VWAWA, WILAYA YA MBOZI, MKOA WA MBEYA. INADAIWA KUWA, CHANZO CHA TUKIO HILO NI TUHUMA ZA WIZI. KATIKA ENEO LA TUKIO, KUMEKUTWA GODORO MOJA JIPYA, MASHUKA MAWILI NA SKETI MOJA RANGI NYEUSI.

MWILI WA MAREHEMU UMEKUTWA NA MAJERAHA SEHEMU ZA KICHWANI NA USONI. MWILI WA MAREHEMU UMEHIFADHIWA KATIKA HOSPITALI YA SERIKALI VWAWA KWA UCHUNGUZI PAMOJA NA KUTAMBULIWA NA NDUGU. JITIHADA ZA KUWATAFUTA WATU WALIOHUSIKA KATIKA TUKIO HILI ZINAENDELEA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MTU/WATU WALIOHUSIKA KATIKA TUKIO HILI AZITOE KATIKA MAMLAKA HUSIKA ILI WAKAMATWE NA SHERIA ICHUKUE MKONDO WAKE.

TAARIFA ZA MISAKO:

JESHI LA POLISI MKOA WA MBEYA LINAWASHIKILIA WATU WAWILI 1. JANE ANDEMBWISYE (41) MKAZI WA UYOLE KATI NA JACKSON MLUNGU (58) MKAZI WA ITEZI WAKIWA NA POMBE HARAMU YA MOSHI [GONGO] UJAZO WA LITA 1^1/₂.

MSAKO HUO UMEFANYIKA MNAMO TAREHE 11.09.2014 MAJIRA YA SAA 10:00 ASUBUHI HUKO UYOLE, KATA YA IGAWILO, TARAFA YA IYUNGA, JIJI NA MKOA WA MBEYA. WATUHUMIWA NI WAUZAJI NA WANYWAJI WA POMBE HIYO. TARATIBU ZA KUWAFIKISHA MAHAKAMANI ZINAENDELEA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUTUMIA POMBE HARAMU YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI.

[AHMED Z. MSANGI – SACP]

KAMANDA WA POLISI MKOA WA MBEYA.

TOA MAONI YAKO HAPA CHINI