SARATANI BADO NI TATIZO KUBWA KWA NCHI ZINAZOENDELEA

 

Waziri wa Afya na Ustawi wa Jamii, Dk. Hussein mwinyi

Serikali imesema matibabu ya saratani kwa nchi zinazoendelea ikiwemo Tanzania bado ni tatizo kutokana na kukabiliwa na uhaba wa  vifaa, wataalamu na wagonjwa kuchelewa kufika hospitalini  kwa matibabu.

Kauli hiyo imetolewa na mkurugenzi wa tiba wa Wizara ya Afya na Ustawi wa Jamii Dokta,  Magreth Mhando wakati wa uzinduzi wa wodi mpya ya saratani ya watoto iliyopo katika hospitali ya taifa ya Muhimbili kwa ufadhili wa Rotary Club International.

Dokta Mhando amesisitizia kuwa serikali itashirikiana na taasisi hizo katika masuala ya afya hususani ugonjwa wa saratani ambao umesababisha watanzania wengi kupoteza maisha.

Naye  kaimu mwenyekiti wa klabu ya ROTARY  SHARMILA BHATT ambao ndio wadhamini wakuu wa mradi huo, amesema wameamua kujenga wodi hiyo kwa lengo la kuisaidia taasisi ya saratani ya Ocean Road ambayo imeonekana kuzidiwa na wagonjwa.

Tafiti zinaonesha kuwa ugonjwa wa saratani kwa watoto unazidi kuongezeka katika nchi mbalimbali barani Afrika, mfano wa saratani hizo ni saratani ya uvimbe wa uso, Saratani ya macho, na saratani ya damu.

TOA MAONI YAKO HAPA CHINI