WALIMU WAIDAI SERIKALI BILIONI 25

 Rais wa CWT Mwalimu Gratian  Mukoba

Baraza la Taifa la chama cha walimu Tanzania(CWT) limeishauri serikali kuwalipa walimu madai yao mbalimbali ili kuepuka mgogoro mwingine baina ya pande mbili hizo.
Hayo yamesemwa na Rais wa CWT Mwalimu Gratian  Mukoba kuwa serikali inadaiwa zaidi ya sh 25 bilioni zinazotokana na kutolipwa kwa malimbikizo ya mishahara na madai mengine  kama likizo, uhamisho,gharama za masomo  pamoja na matibabu . 
Aidha  mukoba amesema kuwa zaidi ya walimu 60,000 wanaostahili kupandishwa madaraja hawajapandishwa wakati bunge lilipitisha fedha za kupandisha walimu kuanzia julai 2012  na kusema kuwa baraza lilipokea kwa masikitiko ahadi iliyotolewa na wizara  ya elimu na mafunzo  ya kutatua kero  hiyo kwa walimu. Amesema kuwa kero hizo zilitakiwa kutatuliwa  desemba 2012 lakini kutokana na wizara kushindwa  kutekeleza ahadi hiyo  baraza la Taifa CWT limeazimia kuwa mkuu wa utumishi wa umma kumfuatilia katibu  mkuu wa wizara ya elimu  kutekeleza ahadi hiyo ifikapo machi 2013.
Pamoja na hayo  mukoba amesema kuwa chama kinatambua kwa rufaa ya kupinga  hukumu ya  jaji wambura wa mahakama kuu Divisheni ya kazi ya kuzuia mgomo wa walimu  na kusema kuwa chama kinazingatia agizo la mahakama la kutaka pande zote kurudi mezani kwa majadiliano.
Baraza la Taifa la chama cha walimu Tanzania(CWT ) liliazimia hayo kwenye kikao kilichofanyika  tarehe 16-20 januari mjini Dodoma. TOA MAONI YAKO HAPA CHINI