INASIKITISHA: BABA AWAUA WATOTO WAKE WATANO NA KUWAZIKA

Timothy baba wa watoto watano aliowaua. 

 Mwanamume mmoja raia wa Marekani anashukiwa kuwaua watoto wake watano na kuwatupa katika jimbo jingine, hii ni kwa muujibu wa polisi nchini humo.

Timothy Ray Jones anakabiliwa na mashtaka kadhaa katika jimbo ambalo ndio makazi yake la Carolina ya kusini,kufuatia shutuma hizo na alikamatwa mwishoni mwa wiki iliyopita huko Mississippi .

Watoto hao watano waliopoteza uhai kwa kuuawa na baba yao walikuwa na umri wa kuanzia mwaka mmoja hadi miaka nane ambapo inaelezwa watoto hao walipotea katika mazingira ya kutatanisha jambo lililomfanya mama wa watoto hao aripoti polisi baada ya mawasiliano kati yake na mzazi mwenziwe kukatika.

Maafisa hao wa polisi walipofanya uchunguzi wao waligundua kuwa miili ya watoto hao ilikuwa imezikwa karibu na mji wa Alabama jirani na barabara kuu baada ya kuwasaka watoto hao kwa siku nzima .

Jones alisimamishwa katika kizuizi cha barabarani na kushukiwa kuwa alikuwa akiendesha gari baada ya kutumia dawa za kulevya ambapo imethibitika kuwa katika gari yake kulikuwa na kemikali zinazoaminika kua dawa za kulevya na zaidi ya hapo polisi walikuta damu garini mwake na alikuwa akitafutwa huko Carolina ya kusini.

Kitengo kinachoshulikia usalama wa raia huko Alabama kimesema kupitia kwa msemaji wake sajenti Steve Jarrett kwamba baada ya msako huo Jones baba wa watoto hao aliwaongoza maafisa hao hadi eneo alikozika miili ya wanawe.
BBC

TOA MAONI YAKO HAPA CHINI