Waandishi wa habari wazingatie maadili ya kazi yao

 

Jaji mstaafu Mark Bomani.

Baraza la habari Tanzania (MCT)  limezindua kongamano kuhusiana na wajibu wa vyombo vya habari katika kupambana na kauli za chuki na itikadi kali.

Aliyekuwa Mwenyekiti wa MCT, Jaji mstaafu Mark Bomani amesema Mwandishi wa habari ana nafasi kubwa katika jamii ambayo mara zote imekuwa ikijenga imani juu ya taarifa anazotoa.

Mbali na kufikisha taarifa Jaji Bomani amesema  ni jukumu la waandishi wa habari kukemea na kufichua maovu na kuhubiri amani katika jamii na kuonesha njia ya uwajibikaji.

Jaji Bomani pia amewataka waandishi wa habari kufanya kazi kwa kuzingatia sheria, maadili  na weledi ili kujenga taswira yenye heshima na uaminifu katika jamii.

MCT yazindua kitabu

Katika kuisadia sekta ya habari nchini, MCT imezindua kitabu ambacho kinatoa miongozo mbalimbali katika tasnia hii ya habari ikiwamo maadili.

Vyombo vya habari vimetakiwa kuwa  mstari wa mbele katika kuwapasha habari wananchi  habari  mbali mbali licha ya changamoto kadhaa  wanazokutana nazo  wakiwa kazini .

Katibu  mtendaji wa baraza la habari Tanzania  MCT Bwana Kajubi mkajanga  amesema Waandishi wa habari wamejitahidi kufanya kazi kwa bidii licha ya mazingira magumu yanayorudisha nyuma utendaji wa kazi zao .

Misingi ya awali ya Uwajibikaji wa waandishi wa habari  ujumbe kwa jamii ikiwa na lengo la kuelimisha,kukosoa na kuunganisha jamii katika masuala mbalimbali ya kiuchumi na kijamii.

Pia Katibu huyo amesema Waziri mkuu Mizengo Pinda hakupaswa kuongea maneno yenye kutisha na kuchochea askari kuwakandamiza raia bali angejikita zaidi katika kuhamasisha wananchi kutii sheria bila shuruti.

TOA MAONI YAKO HAPA CHINI